Околу 200 уметници одбиваат да ја застапуваат Белгија во странство поради мигрантите без документи

Од:

Околу двесте уметници и културни работници и порачаа на белгиската влада дека нема повеќе да ја застапуваат земјата во странство додека не се реши проблемот на мигрантите без документи кои 57 дена штрајкуваат со глад, јави дописничката на МИА од Брисел.

Над 400 лица кои со години живеат и работат во Белгија без да добијат легален престој или државјанство од 23 мај штрајкуваат со глад, а денеска го започнуваат третиот ден на штрајкот со жед.

Меѓу “мигранти без документи“ има луѓе кои во Белгија живеат повеќе од 30 години без регуларен статус.

Ситуацијата во црквата каде штрајкуваат се влошува од ден во ден.

Денеска културните работници и уметниците кренаа глас, меѓу нив и режисерот Жан Пјер Дарден, добитник на Златната Палма во Кан и многу други, протестираат поради отсуството на јасен и кохерентен одговор од страна на властите за статусот на овие мигранти.

Белгија е една од ретките земји каде нема јасни правила за добивање легален престој и арбитрарните одлуки не се ретки во овој процес.

Властите порачаа дека нема да попуштат пред штрајкот со глад и да дозволат масовна регуларизација.

Уметниците во отворена порака до владата порачаа: “Како да продолжиме да зборуваме за светот на сцена, да даваме смисла, да забавуваме, да создаваме социјални контакти и хуманост кога во срцето на нашата земја луѓе се борат со последното оружје кое го имаат: нивниот живот?“, порачаа културните работници во знак на солидарност со штрајкувачите.

-Како без срам да кажеме дека сме белгиски уметници или техничари? Како да не се срамиме од индиректното и скриено насилство кое се врши кога треба да се регулараат луѓе без документи?, пишува Дарден со неговите колеги.

Културните работници бараат под итно владата да преземе одговорност и да им дадат јасни одговори на луѓето кои го ризикуваат својот живот со штрајкот со глад и жед.

-До тогаш одбиваме да ја застапуваме оваа земја во странство и изјавуваме дека оваа нечовечка политика не се води во наше име, изјавија уметниците.

Би можело да ве интересира

Белгија во Кривичниот законик го внесува поимот согласност во делото силување

Ана Ололовска

Заштитната маска нема повеќе да биде задолжителна во Белгија

А1он

Белгија: Синдикатите алармираат за опасност од социјална катастрофа поради цените

Ана Ололовска

Белгија не предвидува трета доза вакцина засега

Ана Ололовска

Белгија: Епидемиолозите против укинување на носењето маски на јавни места

Ана Ололовска

ВИДЕО: Белгија повторно погодена од силно невреме – поплавени улици, куќи и возила

Ана Ололовска