Околу 1.000 сириски бегалци од кампот Рукбан се упатија кон Хомс

Од:

Околу 1.000 сириски бегалци од кампот Рукбан, што се наоѓа во пустинската областа на југоисточна Сирија близу границата со Јордан, денеска во придружба на припадници на владините сили, со автобуси се упатија кон источен Хомс во централниот дел на земјата.

Како што соопшти Сирискиот центар за мониторинг на човековите права, бегалците ќе бидат префрлени на територија под контрола на властите во Дамаск.

Префрлањето на бегалците го потврди и Канцеларијата на ОН за координација на хуманитарните активности во Сирија (ОЦХА), која соопшти дека „неутврден број луѓе“ се упатиле од кампот Рукбан кон Хомс.

Портпаролот на ОЦХА, Хедин Халдорсон за ДПА изјави дека изминативе недели од кампот Рукбан заминале најмалку 3.400 бегалци.

Хуманитарниот активист Имад Гали, пак, соопшти дека во Рукбан во многу лоши услови и натаму се сместени околу 30.000 бегалци, кои одбиваат да заминат во подрачјата под контрола на сириските власти и сакаат да бидат префрлени во провинцијата Идлиб во северозападна Сирија, која е контролирана од бунтовниците.

Повеќето од овие бегалци потекнуваат од источна Сирија, кои побегнаа од своите домови кога тоа подрачје го освоија борците на џихадистичката група Исламска дражва (ИД). Нивна цел била да заминат во Јордан, но властите во Аман ја затворија границата за прием на бегалци во јуни 2017, по нападот врз граничен пункт при што загинаа шестмина јордански војници.

Според хуманитарните активисти, поради недостиг на медицинска заштита лани во кампот Рукбан починале најмалку 20 лица.

Би можело да ве интересира

Германија првпат прифати деца на терористи од Сирија

Сириските авиони изведоа напади врз турскиот конвој во Идлиб

Ана Ололовска

Турски воени единици се упатија кон сирискиот град Саракиб

Ана Ололовска

ОН: Од Втората светска војна немало толку бегалци

Ана Ололовска

Исламисти соборија авион на сириската Влада и го заробија пилотот

Експлозија во склад со муниција на турско-сириската граница