Одбиено барањето за исклучување на Шредер од СПД

Од:

Социјалдемократската партија на Германија (СПД) одби да го исклучи поранешниот канцелар Герхард Шредер од партијата, поради блиски врски со рускиот енергетски сектор и претседателот Владимир Путин.

dobivaj vesti na viber

Арбитражниот одбор на огранокот на СПД во Хановер разгледуваше 17 барања од членови на партијата за покренување постапка против Шредер.

Тој има долгогодишни врски со рускиот енергетски сектор и одби целосно да се дистанцира од Путин, откако Русија изврши инвазија на Украина. Меѓутоа, одборот на СПД утврди дека неговите постапки не претставуваат кршење на правилата на партијата.

Можноста Шредер да биде исклучен од партијата на канцеларот Олаф Шолц не беше голема затоа што во Германија исклучување на член од политички партии е сложен, напорен и често долг процес, а неретко по него нема исклучување.

Но, можна е жалба на денешната одлука.

Шредер беше канцелар на Германија од 1998 до 2005, а лидер на СПД од 1999 до 2004 година.

Извор: МИА

Би можело да ве интересира

Во Германија драстично поскапеа огревното дрво и пелетите

А1он

Во германската нуклеарна централа има истекување, работата е целосно прекината

А1он

Трамп предупредува: Германија наскоро би можела да престане да постои како земја

А1он

Екоактивисти блокираа електрана на јаглен во Германија

Ана Ололовска

Германија нема да го снабдува Киев со модерни тенкови

А1он

Берлин ја презеде контролата врз активностите на рускиот нафтен гигант „Росњефт“ во Германија

Ана Ололовска