Од Нетанјаху побарано да ги врати подароците што ги добил додека беше премиер

Од:

Кабинетот на израелскиот премиер Нафтали Бенет денеска побара од поранешниот премиер Бенјамин Нетанјаху да врати десетици скапи подароци што ги добил додека бил на функцијата.

Барањето, кое денеска беше потврдено од кабинетот на премиерот Бенет, следеше откако Нетанјаху одмараше на приватен остров на Хаваите, кој е речиси целосно во сопственост на милијардерот Лари Елисон.

Елисон, основачот на компанијата „Оракл“, е пријател на поранешниот премиер и е сведок во обвинителството на судењето за корупција на поранешниот лидер.

Поранешниот израелски премиер Нетанјаху, сега лидер на опозицијата, се здоби со репутација дека живее раскошен живот, честопати на сметка на даночните обврзници, и му се суди за наводно прифаќање скапи подароци од богати соработници.

Нетанјаху ги отфрли сите обвиненија и рече дека е жртва на клевета.

Весникот „Марив“ наведува дека од Нетанјаху било побарано да врати 42 предмети, вклучувајќи подароци од поранешниот американски претседател Барак Обама и рускиот претседател Владимир Путин.

Се наведува дека вообичаено е странските лидери да си даваат подароци за време на службени патувања, но подароците вредни над одредена сума, околу 90 долари, припаѓаат на државата Израел.

Во соопштението на семејството Нетанјаху се вели дека сите подароци што се бараат според закон се вратени и дека оние „за кои станува збор не се во нивна сопственост“.

Би можело да ве интересира

Сведок на обвинителството во случај против Нетанјаху, и неговата сопруга загинаа во несреќата кај Самос

Ана Ололовска

Нетанјаху оди во опозиција, по цели 12 години израелската влада ќе се прави без него

Жарко Настоски

Влијателни рабини бараат да се осуети формирањето на „влада на промени“ во Израел

Противниците на Нетанјаху продолжуваат со преговорите, рокот за формирање влада истекува на полноќ

Нафтали Бенет ќе се обиде да формира влада со најголемите противници на Нетанјаху, премиерот го обвини за „измама на векот“

Нетанјаху гневен што ООН ќе истражува израелски злосторства во Газа: Ги охрабруваат терористите

Жарко Настоски