Од Истанбул депортирани 40.000 бегалци

Од:

Турција соопшти дека депортирала над 40.000 бегалци кои живеат во Истанбул и ги испратила назад во провинциите каде што првично биле регистрирани.

Кампањата, која траеше од јули до крајот на октомври, има за цел да го намали бројот на бегалци во најголемиот град и економски центар во Турција.

Земјата е домаќин на околу 3,6 милиони сириски бегалци – повеќе од која било друга држава, иако технички се под „привремена заштита“ поради тоа што Владата не им нуди официјален статус на бегалци.

Според системот, тие мора да останат во провинцијата каде што првично биле назначени, а другите градови може да ги посетуваат само за кус престој.

Кабинетот на градоначалникот во Истанбул соопшти дека со помош на полицијата 42.888 мигранти биле вратени во нивните провинции меѓу јули и октомври, без да се прецизира нивната националност.

Во јули беше соопштено дека 547.000 Сиријци се официјално регистрирани во Истанбул и дека не се прифаќаат нови регистрации.

Би можело да ве интересира

Грчкото Министерство за одбрана демантира дека планира да купи дронови од Турција

Ана Ололовска

Турскиот Парламент го изгласа законот со кој се заострува контролата врз социјалните мрежи

Ана Ололовска

Калин: Турција ги прекинува ископувањата во источниот Медитеран

Ана Ололовска

Ердоган: 500 полицајци постојано ќе ја обезбедуваат Аја Софија

Горјан Грнчаровски

ВИДЕО: Голем пожар во бизнис-центар во Анкара

Горјан Грнчаровски

Пет војници загинаа во Турција

Ана Ололовска