Од Белата куќа предупредија на непосредна опасност од руска инвазија на Украина

Од:

Советникот за национална безбедност на Белата куќа, Џејк Саливан, изјави денеска дека руска воена инвазија може да започне во секое време и ги повика Американците да ја напуштат Украина веднаш.

dobivaj vesti na viber

-Не говориме дека има донесено одлука. Но набљудуваме како руските сили пристигаат на границата со Украина, изјави Саливан на брифинг во Белата куќа денеска, откако претседателот Џо Бајден зборуваше со лидерите на НАТО и ЕУ за ситуацијата и можниот заеднички одговор.

-Сега сме во таков прозорец кога инвазијата може да започне во кој и да било момент ако Владимир Путин одлучи да даде наредба. Не можам да споделувам повеќе разузнавачки детали, но сакам да бидам јасен, може да започне за време на Олимписките игри, наспроти шпекулациите дека тоа би се случило само после Олимпијадата, изјави Саливан.

Повика сите Американци во Украина да заминат од земјата во следните 24 до 48 часа.

Даде сценарио според кое Русите може да извршат најпрвин воздушен напад со ловци и ракетни лансери, а потоа да навлезат копнено и „брзо“ да го освојат Киев.

-Во тој случај ќе бидат прекинати сите линии на комуникација, нема да работи јавниот превоз како железничкиот, комерцијалните летови ќе одат приземјени, изјави Саливан.

-Во секој случај сме подготвени. Што и да се случи Западот е обединет како никогаш досега во изминатите години, изјави тој. Додаде дека се подготвуваат санкции како од страна на САД така и од Канада, Велика Британија и ЕУ, кои ќе бидат слични по дејство.

Државниот секретар Ентони Блинкен денеска од Мелбурн исто така предупреди дека „инвазија може да започне во секое време и да биде јасно, тоа може да се случи и за време на Олимписките игри“, кои треба да завршат на 20 февруари.

Блинкен изјави дека официјални лица на САД „продолжуваат да набљудуваат мошне загрижувачки знаци за руска ескалација, вклучувајќи нови сили кои пристигаат на границата со Украина. И тој ги повика Американците веднаш да ја напуштат Украина.

Бајден претходно разговараше телефонски со трансатлантските лидери, вклучувајќи го германскиот канцелар Олаф Шолц, премиерот на Велика Британија Борис Џонсон, како и премиерите на Италија и Канада, Марио Драги и Џастин Трудо; претседателот на Франција Емануел Макрон, на Анджеј Дуда на Полска, Клаус Јоанис на Романија, Урсула фон Дер Лејен од ЕК и Шарл Мишел од ЕС, како и генералниот секретар на НАТО, Јенс Столтенберг.

Извор: МИА

Би можело да ве интересира

Германија им приговара на САД за високите цени на гасот

Ана Ололовска

ВИДЕО: Русите објавија нова снимка од мобилизацијата

Ана Ололовска

Претставник на ЕУ: Србија во Прага треба да објасни зошто не воведува санкции против Русија

Ана Ололовска

Каспаров: Секој Русин што моментално живее во Русија е дел од воената машина на Путин

А1он

ВИДЕО: Руските сили нападнале повеќе цели со дронови камикази

А1он

Патрушев: НАТО воено ја помага Украина и сака борбите да ги префрли на руска територија

А1он