Обама во мемоарите: Самото заминување на Трамп нема да ги реши длабоките поделби во американското општество

Од:

Поранешниот претседател на САД, Барак Обама, во книгата што ќе биде објавена следната недела, оцени дека поделбите во американското општество се длабоки, до тој степен што за тие да се надминат, нема да биде доволно само заминувањето на Доналд Трамп од функцијата.

„Знам дека изборите нема да го решат проблемот. Нашите поделби се длабоки, предизвиците се огромни”, пишува Обама, но сепак изразува надеж за добра иднина со „напорна работа, одлучност и добра доза на имагинација”.

Во првиот том од мемоарите „Ветена земја“ што ќе излезе во вторник, Обама се осврнува и на владеењето на Трамп во текот на четири години.

„Можеби она што најмногу загрижува е дека нашата демократија се чини дека е на работ на криза. Тоа е криза закотвена во конфликтот меѓу две визии – за тоа што е Америка и каква треба да биде”, посочува Обама.

Поранешниот претседател на САД ја поздрави победата на Џо Бајден, но предупреди дека не треба да се има „ангелска визија“ за периодот по Трамп.

Во првиот том од мемоарите на 768 страници, Обама се осврна и на процесот на пишување на книгата – од пенкало до компјутер, како и за тешкотијата да се биде точен во пишувањето.

Како анегдота, тој посочи дека за време на неговите осум години поминати во Белата куќа, тој често барал тивко место на крајот на денот за да ја испуши „вечерната цигара“ во мир.

Пушењето и подоцнежното откажување на Обама беше една од темите за време на неговото претседателствување.

Би можело да ве интересира

Девојче го нашле мртво во голема цевка, мајката очајна го тужи хотелот

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана