Американскиот претседател Барак Обама изјави дека побарал да се разгледаат воени опции на САД против припадници на групата Исламска држава во Сирија.
Обама на конференција во Белата куќа предупреди против шпекулации дека се наоѓа на чекор од одлука за проширување на воздушните напади против ИД надвор од целите врз кои силите на САД веќе извршија воздушни напади во Ирак.
Американскиот претседател истакна дека државниот секретар Џон Кери ќе замине во посета на Блискиот Исток со цел да добие поддршка од регионот против џихадистите на ИД.