Обама: Најтешка одлука ми беше испраќањето дополнителни 30.000 војници во Авганистан во 2010 година

Од:

Американскиот претседател во заминување Барак Обама изјави дека неговата најтешка одлука во двата негови претседателски мандата била испраќањето дополнителни 30.000 војници во Авганистан во 2010 година, пренесоа француските медиуми.

-Најтешката одлука настапи на почетокот на моето претседателствување, кога дадов наредба да се испратат дополнителни 30.000 војници во Авганистан, а бев човек чија кампања беше насочена кон тоа да се заврши со масовните дислоцирања на војската во странство, изјави Обама во денеска емитуваното интервју а Еј-Би-Си.

„Сметам дека тоа беше правилна одлука затоа што тогаш талибанците беа во успон, пред да стапам на должноста, делумно затоа што не обраќавме толку внимание на Авганистан колку што требаше“, објаснува Обама.

На прашањето дали е разочаран што осум години подоцна во Авганистан, но и во Ирак, и натаму има американски војници, тој одговари: „Да, но научив дека во војната против тероризмот никогаш нема да постигнеме исти решителни и трајни успеси, кои ги постигнуваме во војните против државите. Дури и откако ја уништивме Ал Каеда во пакистанските племенски зони, дури и откако го убивме Бин Ладен, таму пак остануваат луѓе кои сакаат и можат да удрат врз САД, доколку не останеме будни“, рече Обама.

Според него, нестабилноста на земјите како Ирак и Авганистан го прават неопходно американското воено присуство во нив.

Денеска во Ирак има над 5.000 американски воени советници и околу 8.400 војници во Авганистан.

-Меѓутоа, веќе немаме толку огромно присуство и има помал ризик да бидеме нападнати како окупаторска сила, заклучува Барак Обама.

Би можело да ве интересира

ВИДЕО: Предградие на Чикаго погодено од торнадо

Ана Ололовска

Саливен: Кина ќе се соочи со „меѓународна изолација“ доколку не соработува за време на понатамошните истраги за потеклото на коронавирусот

Ана Ололовска

Границите на САД со Канада и со Мексико ќе бидат затворени до 21 јули

Ана Ололовска

Нов празник во САД, во цела земја се одбележуваше крајот на ропството

Ландов

По договорот меѓу Бајден и Путин, рускиот амбасадор се враќа во САД

Ландов

ВИДЕО: Американски моторџија скокна во смрт, вежбајќи за да сруши светски рекорд

Жарко Настоски