О’Брајан: САД ќе воведат санкции за Кина доколку го примени законот за Хонгконг

Од:

Американската администрација веројатно ќе воведе санкции против Кина доколку Пекинг одлучи да го примени законот за национална безбедност, со кој ќе добие поголема контрола врз Хонгконг, предупреди советникот на американскиот претседател за национална безбедност, Роберт О’Брајан.

Тој тврди дека предлог-законот претставува преземање на Хонгконг, наведувајќи дека последиците од неговата примена ќе бидат тоа што американскиот државен секретар Мајк Помпео веројатно нема да може да потврди дека градот го задржува „високото ниво“ на автономија.

О’Брајан додаде дека во тој случај ќе бидат воведени санкции против Кина, согласно Законот за човекови права и демократија во Хонгконг од 2019 година.

Советникот на Трамп предупреди дека Хонгконг би можел да го загуби својот статус на голем центар на глобалните финансии.

– Тешко е да се гледа како Хонгконг ќе остане азиски финансиски центар доколку Кина го преземе, истакна О’Брајан.

Тој тврди дека финансиските услуги првично пристигнале во Хонгконг поради владеењето на правото, кое предвидува слободно претприемништво и капиталистички систем.

– Ако тоа исчезне, не сум сигурен како финансиската заедница ќе може да остане таму… Тие нема да останат во Хонгконг, за со нив да доминира Народна Република Кина и Комунистичката партија, додаде американскиот советник за национална безбедност.

Кина во петокот соопшти дека е „крајно неопходно“ да се донесе законот за национална безбедност за Хонгконг.

Би можело да ве интересира

Американската економија лани нарасна за 5,7 отсто

А1он

Борел: Одговорот на САД на руските предлози е солидна основа за зацврстување на сигурноста во Европа

А1он

Кремљ: Ставовите на Русија не се опфатени во безбедносните предлози на САД, но дијалогот може да продолжи

Ана Ололовска

Воздухот во САД загрижувачки загаден

Ана Ололовска

Велика Британија и САД може да испратат по 1.000 војници во Романија, Бугарија и Унгарија, пишува „Дејли телеграф“.

Ана Ололовска

Блинкен разговараше со кинескиот министер за надворешни работи за ризиците поврзани со Украина

Ана Ололовска