Нуланд: Русија свесно одлучи „да ја уништи Украина и нејзиното цивилно население“

Од:

Американската дипломатија синоќа излезе со оправдување на обвинувањата за „геноцид“ што ден претходно ги изнесе претседателот Џо Бајден против Русија, обвинувајќи ги руските сили дека сакаат да „ја уништат Украина и нејзиното цивилно население“.

dobivaj vesti na viber

Американскиот претседател изненади со изјавата дека рускиот претседател Владимир Путин спроведува „геноцид“ во Украина, признавајќи, сепак, дека за тоа ќе решаваат меѓународни правни експерти.

„Сметам дека откако ќе ги собереме сите докази ќе дојдеме до заклучок, како и претседателот Бајден, дека она што е случува на терен не е несреќен случај“, изјави за „Си-Ен-Ен“ американската државна потсекретарка, Викторија Нуланд.

„Русија и нејзините трупи свесно одлучија да ја уништат Украина и нејзиното цивилно население“, додаде таа.

Конвенцијата на ОН за спречување и казнување на злосторствата од 1948 година го опишува геноцидот како „злосторство извршено со намера да се уништи, целосно или делумно, национална, етничка, расна или религиозна група“.

Правниците секогаш се внимателни во однос на употребата на терминот, а западните лидери се поделени околу тоа.

Кремљ, од друга страна, ги оцени „неприфатливи“ таквите обвинувања од Бајден.

Американските дипломати, сепак, се обидуваат да ги ублажат последиците од таквите отворени обвиненија на претседателот, оценувајќи дека се работи првенствено за „морален“ став.

Портпаролот на Стејт департментот, Нед Прајс, вчера рече дека претседателот зборувал за „впечатокот што го стекнал гледајќи ги страшните снимки што сите ги видовме од местата како Мариупол, Буча, Харков и други“.

„Не е важно како ние ќе ги наречеме, туку како на нив ќе одговориме, а ќе одговориме решително, испраќајќи им на нашите украински партнери се што им е потребно да се одбранат. Независно дали се работи за воено злосторство, злосторство или геноцид, тоа нема да влијае врз нашата стратегија, тоа нема да ни даде дополнителни овластувања“, рече Прајс.

Извор: МИА

Би можело да ве интересира

Мекдоналдс ги продава рестораните во Русија поради војната во Украина

Украинец: Русите пукаа во мене, па ме закопаа жив

Ана Ололовска

Конгресот на САД ќе се обиде до август да го ратификува зачленувањето на Финска во НАТО

Ана Ололовска

ВО ЖИВО: Огромна вежба на НАТО, Украина се подготвува за руски напад во Донбас

Ана Ололовска

Австриски министер: Пакетот санкции против Русија готов деновиве

Ана Ололовска

ВИДЕО: Украинските војници кои го бранат Харков дошле до руската граница, тврди украински гувернер

Ана Ололовска