Новиот пратеник на ОН бара заминување на странските сили и платениците од Либија

Од:

Новиот специјален пратеник на ОН за Либија, Јан Кубиш, ги повика странските сили и платениците да ја напуштат земјата разорена од војна, како што беше предвидено со минатогодишниот договор за прекин на огнот.

Кубиш пред Советот за безбедност на ОН предупреди за „стапици“ што можат да ги попречат или одложат изборите во декември, кои треба да овозможат формирање единствена влада на Либија, по долги години поделба на земјата со чии делови управуваат две паралелни влади.

Претставникот на ОН изјави дека примирјето се почитува, но оти странските сили и платениците не ја напуштиле Либија и дека „има извештаи за утврдување на одбранбени позиции“ во централниот дел на земјата, од стратешки важниот град Сирт до блиската област Јуфра.

Кубиш изјави дека во Либија сè уште дејствуваат елементи на вооружената група Исламска држава Ирак и Левант.

Во неодамнешниот извештај, експертите на ОН ги обвинија владите на неколку земји дека ги игнорираат санкциите на ОН и децениското ембарго за оружје, за кое се наведува дека е „целосно неефикасно“.

Би можело да ве интересира

Советот за безбедност на ОН не ја усвои американската резолуција со која се бара итен прекин на огнот во Газа

Од почетокот на војната речиси 20.000 деца се родиле во пеколот на Газа

А1он

ОН: Газа станува гробница на луѓето заробени меѓу војната, опсадата и сиромаштијата

ОН: Израелската опсада на Газа и наредбата за евакуација може да претставуваат меѓународно злосторство

(ВИДЕО) Драматичнa ситуација во Дерна: Илјадници трупови се распаѓаат под урнатините

На плажа во либискиот град Дерна пронајдени се 400 тела