ВИДЕО: Нови демонстрации на жолтите елеци во Франција

Од:

Триесетта сабота по ред, жолтите елеци повторно ќе демонстрираат во Франција, но очигледно е дека нивната мобилизација слабее, јавува дописникот на МИА.

Како и секоја сабота од почетокот на движењето на жолтите елеци, сообраќајот на метро линијата во Париз е нарушен. Префектурата нареди затворање на неколку станици, посебно на оние кои водат директно на Елисејските полиња. Овие забрани се ефективни од 8 часот изутрина и нивното повторно отворање зависи од одлуката на префектурата и текот на демонстрациите.

Минатата сабота, имаше само 1500 жолтите елеци во главниот град, според Министерството за внатрешни работи.

Ерик Друе, еден од водачите на движењето повика на собир на Шанзелизе, авенија за која има забрана за демонстрации .

„Одмерувањето на силите е на Шанзелизе“, напиша тој на Фејсбук.

Жолтите елеци по 30ти пат ќе се обидат да се мобилизираат во близина на Париз, во предградието, каде што се планирани демонстрации. Собирот започна 13 часот пред Стад де Франс, во Сен Дени . Поворката потоа заминува кон префектурата Бобињи.

Собири има и низ цела Франција, додека националната демонстрација започна изутринава во Монпелје.

Би можело да ве интересира

Пјер Московиси ќе биде назначен за шеф на Ревизорскиот суд на Франција

Ана Ололовска

„Немам намера да ја затворам фабриката „Мобеж“, вели првиот човек на Рено, Жан-Доминик Сенард

Ана Ололовска

Пад на француската економија од 5,3 отсто во првиот квартал, најголем квартален пад од 1968 година

А1он

Димитров ја поздравил лидерската улога на Франција за заживување на европската агенда на Македонија

А1он

На 2 јуни се отвараат рестораните и кафулињата во Франција

А1он

EY: Франција е водечка дестинација за нови странски инвестиции

А1он