Пријавени се дополнителни 15 смртни случаи во кинеската провинција Хубеи, со што бројот на починати од новиот коронавирус се зголеми на 41, соопштија локалните власти, додавајќи дека се регистрирани уште 180 заразени.
Епидемијата на новиот смртоносен вирус, што почна од главниот град на таа провинција Вухан, ги принуди кинеските власти да преземат мерки за ограничување на ширењето на вирусот, вклучително и суспендирање на јавниот превоз во 10 градови, затворање на храмови за време на кинеската новогодишна прослава, како и Кинескиот ѕид.
Вирусот е веќе регистриран и во Европа – во Франција се регистрирани три случаи кај луѓе кои патувале во Кина.