Нов Зеланд ја зголемува минималната дневница и даноците за богатите

Од:

Нов Зеланд ќе ја зголеми минималната дневница на 20 долари на час, како и данокот на луѓето со најголеми приходи на 39 отсто, пишува Гардијан.

Измените стапуваат во сила од утре, заедно со незначителното зголемување на надоместоците за невработеност и боледување. Владата проценува дека зголемувањето на минималната дневница ќе опфати 175.000 работници и ќе ги зголеми платите за 216 милиони долари. Новата највисока даночна стапка ќе влијае на секој што заработува повеќе од 180.000 долари годишно, односно околу два отсто од жителите на Нов Зеланд.

Податоците на Организацијата за економски развој и соработка за 2019 година покажуваат дека минималната надница во Нов Зеланд е меѓу петте највисоки во светот.

Во 2020 година, синдикатите повикаа на зголемување на надницата на 22,10 долари на час за оние кои се на првата линија. Премиерката Џасинда Ардерн најави дека го исполнува предизборното ветување. Таа вети уште многу работи кои следуваат: градење повеќе станови, подобрување на здравствениот систем, инвестирање во образование, обука и можности за работа.

Земјата продолжува да се бори со високите стапки на детска сиромаштија и високите цени на становите. Домовите во Окланд се едни од најскапите во светот, со цени околу 11 пати поголеми од просечниот приход. Одделно, има недостиг на станбени објекти. Повеќе од 22.800 домаќинства чекаат дом. Владата постепено ја зголеми минималната дневница во последните четири години – од 2017 досега е зголемена за 4,25 долари. Минатата година Ардерн ги охрабри работодавачите да размислат за четиридневна работна недела и пофлексибилно работно време.

Би можело да ве интересира

Во Нов Зеланд јуни годинава беше најтоплиот во последните 110 години

Ана Ололовска

Велингтон затворен уште два дена

Ана Ололовска

Нов Зеланд потписник на вселенскиот договор со НАСА

Ана Ололовска

Ардерн: Односите на Нов Зеланд со Кина стануваат сè покомплексни

Продавница во која ништо не се плаќа отворена на Нов Зеланд

Жарко Настоски

ВИДЕО: Разорен земјотрес од 7,3 степени го погоди Нов Зеланд

Жарко Настоски