Нов Зеланд дополнително ги олеснува мерките против Ковид-19

Од:

Веќе нема да биде потребно посетителите на Нов Зеланд да бидат вакцинирани против Ковид-19, соопшти денеска премиерката Џасинда Ардерн, јави ДПА.

dobivaj vesti na viber

Во земјата ќе престане да важи и мерката за носење маски, освен во здравствени и установи за нега на стари лица.

– Време е безбедно да се сврти страницата од нашето управување со Ковид-19, да живееме без вонредните мерки што ги користевме, додаде премиерката.

Земјата ги затвори за сите своите граници во март 2020 година, а повторно беа отворени во јули годинава.

Како што информираше Ардерн, барањето туристите да се тестираат при пристигнување и повторно на петтиот ден, сега ќе биде „охрабрувано“, наместо задолжително.

– Денес се означува пресвртница во нашиот одговор. Конечно, наместо да се чувствуваме како Ковид-19 да диктира што се случува со нас, нашите животи, нашите иднини, ние си ја враќаме контролата, нагласи премиерката.

Меѓу другите промени што започнуваат од денеска, се и изолација во времетраење од седум дена само за оние чиј тест ќе биде позитивен на коронавирус. Изолација нема да биде потребна за контакти од исто домаќинство, ами ќе бидат подложни на дневен Ковид-19 тест пред да продолжат со својот живот нормално.

Земјата спроведуваше нула-Ковид стратегија голем дел за време на пандемијата, вклучувајќи национални локдауни во март 2020 и август 2021 година, кога делта и омикрон варијантите се појавија во внатрешноста.

Нов Зеланд, земја со околу пет милиони луѓе, евидентираше над 1.7 милиони инфекции со Ковид-19 и речиси 2.000 смртни случаи од почетокот на пандемијата.

Извор: МИА

Би можело да ве интересира

Русин откри: „Во САД е создадена хибридна верзија на корона, вирусот уби 80 отсто од заразените“

Ана Ололовска

(ВИДЕО) Големи протести во Кина поради мерките против Ковид: „Укинете го локдаунот“

Ана Ололовска

Кина го објави првиот смртен случај од корона по речиси половина година

Ана Ололовска

Во Пекинг расте бројот на заразени со коронавирус, се воведуваат нови мерки

Ана Ололовска

ВИДЕО: Гневни луѓе во Кина протестираа против карантинот, уриваат бариери поставени од властите

А1он

Во Кина нови 17.909 случаи со коронавирус

Ана Ололовска