По 20. пат од почетокот на октомври е регистрирано беспилотно летало над една од француските нуклеарни централи. Се уште нема траги за расчистување на ваквите случаи.
Последен пат дрон е забележан во текот на ноќта во вторникот над Катном во Лотарингија, во источна Франција, соопшти компанијата Е-Де-Еф, што раководи со француските АЕЦ.
Според компанијата ова е втор пат за помалку од месец, како и дека веќе е поднесена тужба.
На 11 октомври во воздушниот простор над Катном за првпат е регистрирано летало, слично на дрон. Инцидентот сепак нема никакви последици за безбедноста и работата на постројките, наведува Е-Де-Еф.
Од почетокот на октомври регистрирани се летови над 16 нуклеарни централи во Франција и досега се уште никој нема преземено одговорност за тоа. Минатата недела беа покренати обвиненија против двајца мажи, забележани со два дрона во близина на АЕЦ во Централна Франција. Сепак, подоцна е утврдено дека двајцата се макетари, што работеле на воздушна макета.
Франција располага со вкупно 58 реактори во 19 централи.