Нов граничен судир меѓу Кина и Индија

Од:

Кинеските и индиските војници во средата повторно се судриле во спорната погранична област, а во инцидентот имало повредени војници на двете страни, јавуваат индиските медиуми.

Инцидентот се случил минатата среда во северниот дел на Сиким, што индиската армија го опиша како „мал инцидент што бил брзо решен“.

Долж најдолгата спорна граница во светот долго време има искри и тензии, а двете страни тврдат дека имаат право врз големи територии.

Минатиот јуни, во еден од поголемите судири меѓу двете армии, во областа Ладах, загинаа најмалку 20 индиски војници.

Најновиот инцидент се случил на превојот Нату Ла, во Сиким, соопштија медиумите. Регионот Сиким е сместен меѓу Бутан и Непал, на околу 2.500 километри источно од областа Ладак.

Кинеска патрола се обидела да влезе на индиска територија и била принудена да се врати, соопштија официјалните лица.

Во соопштението на индиската армија се наведува дека инцидентот во областа Нату Ла, во северен Сиким, на 20 јануари 2021 година го решиле локалните команданти, според утврдените протоколи“.

Двете земји досега воделе само една војна, во 1962 година, кога Индија претрпе тежок пораз.

Би можело да ве интересира

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Засега тројца уапсени за брутално силување на шпанската блогерка Фернандa

(ВИДЕО) Шпански блогерски пар нападнат во Индија: Ме силуваа седуммина

Катерина Ѓуровски

ВИДЕО: Товарен воз во Индија помина 70 киломентри без машиновозач