Норвешка ги укинува сите ограничувања воведени поради пандемијата на Ковид-19

Од:

Норвешка од утре целосно се отвора и ги укинува мерките воведени поради пандемијата на Ковид-19, кои ги ограничија социјалните контакти и го блокираа голем дел од економијата.

– Ова е 561 ден откако ги воведовме најстрогите мерки во Норвешка во мирно време. Сега е време да се вратиме на нашата вообичаена рутина, изјави премиерката Ерна Сулберг на прес-конференција.

Ограничувањата за коронавирусот ќе бидат укинати утре од 16 часот по локално време.

Одлуката повеќе да не се бара физичка дистанца ќе им овозможи на културните и спортските места во Норвешка да работат со полн капацитет, рестораните повторно да бидат полни, а ќе се отвораат вратите и на ноќните клубови.

Сулберг веќе заврши три од четирите фази во владиниот план за постепено укинување на социјалните и економските ограничувања што беа воведени од март минатата година. Сепак, почетокот на последната фаза беше одложен неколкупати поради стравувањата од можно зголемување на бројот на заразени лица.

– Накратко: сега можеме да живееме нормално, нагласи таа, додавајќи: „Сакам да кажам, многу ти благодарам, Норвешка!“

– Иако повеќето луѓе сега се враќаат во нормалото секојдневие, пандемијата не е завршена. Луѓето ќе продолжат да се разболуваат, па затоа е важно сите да бидат вакцинирани, предупреди Сулберг.

Според Националниот институт за јавно здравје, околу 76 проценти од Норвежаните досега биле вакцинирани со најмалку една доза, а 67 проценти од населението се имунизирани со две дози.

Сулберг истакна дека луѓето кои ќе се заразат со коронавирус, ќе мора да се изолираат за да не го шират вирусот.

Таа нагласи дека ограничувањата за патување исто така се олабавуваат и Владата повеќе нема да им препорачува на граѓаните да не патуваат надвор од Европа.

Би можело да ве интересира

Мета: Албанија прва во Европа по смртни случаи од Ковид, итно да се преземат соодветни мерки

Ана Ололовска

Романски министер за здравство: Не се гледа крајот на пандемијата

Ана Ололовска

Белата куќа бара СТО да поддржи суспензија на патентите за вакцини против Ковид-19

Ана Ололовска

Ардерн: Нов Зеланд ќе ги ублажи мерките кога ќе биде вакцинирано 90 отсто од населението

Ана Ололовска

Шведска го продолжи прекинот за употреба на вакцината на Модерна кај младите

А1он

Русија ја идентификуваше новата варијанта на коронавирусот, која е позаразна од Делта

А1он