Заменик претседателот на собраниската Комисија за европски прашања Нора Алити ќе учествува на Конференција на комисиите за европски прашања на земјите членки на ЕУ- КОСАК, што во рамките на италијанското претседателство со ЕУ ќе се одржи од денеска до 3 декември во Рим, Италија.
На Конференцијата за улогата на италијанското претседателство со ЕУ обраќање ќе има Матео Рензи, претседател на Италијанскиот совет на министри, а ќе стане збор и за улогата на европските институции – пет години по Лисабонскиот договор, како и за „Стратегијата Европа 2020: раст, вработување и конкурентност“.
Предвиденo е да се одржи и расправа за евроинтеграциските перспективи на тема „Глобалната улога на ЕУ и проекцијата на нејзините политики во Медитеранот и Источна Европа“.