Контроверзниот добитник на Нобеловата награда за литература, кинескиот писател Мо Јан, успеал со „уметничкиот дострел“ да го заборави својот поздравен говор во хотелот, јави дописникот на МИА.
Токму затоа неговото обраќање на вчершаната церемонија на доделување на Нобеловите награди во Концертната куќа во Стокхолм, беше пократко од вообичаените обраќања во вакви пригоди.
Наместо да се обрати со претходно подготвен говор, Мо Јан бил принуден да зборува „директно од срцето“. Притоа, тој, меѓу другото, го намали значењето на улогата што литературата ја има во општеството и рече дека е помалку важна во споредба со науката и техниката.