Градоначалникот на Њујорк, Бил де Блазио изјави дека градот може да бара жителите да останат во своите домови во наредните 48 часа, и да одат надвор само за основните потреби.
– Мислам дека њујорчаните треба да бидат подготвени сега за можноста за спроведување нареедба да останат во своите домови, рече Де Блазио за време на прес-конференција.
Мерката ќе бара најголемиот град во САД да биде близу до целосен застој, но најверојатно ќе ги задржи отворени аптеките, продавниците за храна и банките.
Њујорк ќе го следи Сан Франциско и околните окрузи, кои донесоа слични наредби за т.н. shelter-in-place со кои се забранува несуштинско излегување од дома.
Засега се затворени ресторани за вечери, барови и спортски сали.
Де Блазио рече дека има 814 пријавени случаи на заразени со новиот коронавирус во Њујорк.