Њујорк: Епидемија на мали сипаници, задолжителна ММР вакцинација

Од:

Градоначалникот на Њујорк Бил де Блазио денеска во делови од Бруклин прогласи за задолжителна ММР вакцинација за жителите кои живеат во загрозените подрачја, во спротивно ќе се соочат со казни.

– Најголемата епидемија на мали сипаници во градот од 1991 година е во голема мера ограничена на ортодоксната еврејска заедница во Вилијамсбург, дел од Бруклин, со 285 потврдени случаи од октомври, во споредба со само два пријавени случаи во 2017 година, изјави де Блазио.

– Тука е епицентарот на епидемијата на мали сипаници, што е многу загрижувачко и ние треба веднаш да дејствуваме, рече градоначалникот на Њујорк.

Меѓу 285 потврдени случаи, само 39 не се деца.

Според одлуката на градоначалникот, луѓето кои живеат во тој дел од Бруклин и кои не биле вакцинирани против сипаници, а постои можност тие да биле изложени на вирусот, мора да добијат ММР вакцина, односно вакцина против мали сипаници, рубеола и заушки.

Досега нема смртни случаи, но околу 20 лица биле хоспитализирани, а петмина биле примени на интензивна нега.

Оние кои не ја примиле ММР вакцината и не можат да дадат друг доказ за имунитет, како на пример доказ дека претходно имале мали сипаници, се соочуваат со парична казна до 1.000 долари.

Би можело да ве интересира

Градоначалникот на Њујорк обвинет за сексуален напад

ВИДЕО: Еден мртов и петмина ранети во метро во Њујорк, се истепаа тинејџери

Во дел од Босна и Херцеговина прогласена епидемија на морбили

А1он

Во Њујорк: Десет вагони на товарен воз излетаа од шините

Се бара прогласување епидемија на Голема кашлица во Скопје, 18 случаи досега

Анита Петровска Рајковиќ

Трамп во судница во Њујорк: Имаме ситуација каде што сум невин, судијата не ме слуша зошто му е досадно

А1он