Нигерија ја укина забраната за Твитер по повеќе од половина година

Од:

Твитер повторно стана достапен во Нигерија, откако Владата соопшти дека ќе ја укине забраната за веб-страницата за микроблогирање што е во сила седум месеци.

По разговорите со американската компанија, договорено е Твитер да отвори канцеларија во Нигерија, изјави владин претставник, без да открие повеќе детали, јави ДПА.

Забраната е укината од ноќеска на полноќ по локално време.

Претседателот на Нигерија Мухамаду Бухари на 5 јуни даде инструкции да се затвори платформата во земјата со околу 200 милиони жители.

Претходно, Твитер ја избриша контроверзната порака од претседателот за граѓанската војна во Нигерија и го суспендираше профилот на шефот на државата на 12 часа.

Нигериската Влада тогаш не даде конкретна причина за суспензијата. Сепак, беше наведено дека платформата постојано се користела за „активности кои би можеле да го поткопаат постоењето на Нигерија“.

Би можело да ве интересира

Повеќе од 100 гости на свадбата се удавија во Нигерија кога нивниот брод се преврте

Најмалку 54 лица загинаа во експлозија на бомба во централна Нигерија

ВИДЕО: Свештеник жив запален во Нигерија

А1он

Вооружени напаѓачи киднапираа 30 лица од железничка станица во Нигерија

А1он

Најмалку 14 луѓе загинаа, автомобил влетал во публика на карневал во Нигерија

А1он

Вооружени банди во Нигерија убиja над 38 луѓе и запалија 100 куќи