Израелскиот премиер Бенјамин Нетанјахуја предупреди денеска меѓународната заедница да не ги олеснува санкциите против Иран по изборот за претседател на реформаторскиот кандидат Хасан Рохани, бидејќи нуклеарната програма на Техеран останала силно во рацете на владејачките екстремистички духовни лидери.
Нетанјаху ваквата изјава ја даде по објавената победа на Рохани на претседателските избори во Иран.
Израелскиот премиер истакна дека иранските духовни лидери ги дисквалификувале кандидатите од изборната трка со кои имале несогласувања, а меѓународната заедница не треба да се залажува и да го намалува притисокот врз Техеран.
Тој нагласи дека санкциите против Иран треба да се зајакнат, со цел Техеран да биде натеран да ја прекине својата нуклеарна програма.