Нетанјаху предложи директни избори за премиер на Израел

Од:

Израелскиот премиер и лидер на владејачката партија „Ликуд“, Бенјамин Нетанјаху предложи претседателот на влада да биде избран преку директно гласање, со цел да се избегнат трети парламентарни избори оваа година.

– Доколку „Сино и бело“ не сака влада на национално единство, тогаш има само еден начин да се спречат изборите во Кнесетот, а тоа е да биде избран еден од двајцата нас. Луѓето нека одлучат на кого ќе му ја дадат довербата да биде премиер – на Бени Ганц или на мене. Во „Сино и бело“ тврдат дека знаат што сака народот, затоа тој нека одлучи и никој освен него. И секако, не медиумите, истакна Нетанјаху во видео соопштение објавено на социјалните мрежи.

Лидерот на опозициската партија „Сино и бело“, Бени Ганц го нарече предлогот на Нетанјаху „изборен трик“.

– Ова е празен предлог, насочен исклучиво да го сврти вниманието од премиерот, кој има три сериозни обвиненија и кој останува единствената личност одговорна што сме на прагот на трети парламентарни избори, нагласи Ганц.

На 11 декември вечерта истекува тринеделниот период за формирање владин кабинет. Сите досегашни обиди да се постигне согласност за формирање влада на национално единство завршија неуспешно.

Во случај да не се постигне компромис пред среда вечерта, во следните месеци земјата ќе треба да одржи трети парламентарни избори оваа година.

Би можело да ве интересира

Израелската полиција приведе петмина фински државјани, меѓу кои и парламентарка

Ана Ололовска

Предизборна коалиција на израелските десничарски партии

Ана Ололовска

Израел ја нападна сириската воена база Т4

Ана Ололовска

Израел: За две години Иран би можел да има нуклеарна бомба

А1он

Оштетени осум израелски воени авиони

Ана Ололовска

Нетанјаху: Иран лаже, знаеја дека го собориле украинскиот авион

Ана Ололовска