Во јапонскиот град Сакаи денеска се повредени 11 лица кога врз нив се преврте голема дрвена фестивалска количка наречена „данѓири“.
Како што пренесува порталот NHK Japan, три лица се тешко повредени, а најмалку едно се здобило со скршеница на ногата, иако се додава дека сите повредени останале при свест.
Повредените изјавиле дека тие, кои стоеле на количката и ја влечеле по улицата, биле приковани под неа откако таа се превртела.
Пожарникарите во тој град соопштија дека до превртувањето на количката висока околу два метри дошло по традиционалното движење „јаримаваши“ при што со голема брзина се влечат коли по улиците.