Несогласување во ЕУ, уште нема договор за горната граница на цената на руската нафта

Од:

Владите на Европската унија сè уште се поделени околу тоа на кое ниво да ги ограничат цените на руската нафта со цел да се ограничи способноста на Москва да ја финансира војната во Украина, но и да избегне предизвикување шок за глобалното снабдување со нафта.

Земјите од ЕУ не успеаја да постигнат договор за нивото на руската цена на нафтата во средата, бидејќи предлогот на Групата седум (Г7) за ограничување од 65-70 долари за барел некои земји го сметаа за превисок, додека други го сметаа за премногу низок.

Европската комисија, чешките претставници на ЕУ, Соединетите Држави и претседавачот на Г7 Германија одржаа разговори во четвртокот за да ги премостат разликите и да постигнат договор пред да стапи на сила ограничувањето на цената на 5 декември.

Дипломатите рекоа дека шест од 27-те земји на ЕУ се против ограничувањето на цените предложено од Г7.

Полска сака лимитот да биде поставен на 30 долари, тврдејќи дека со трошоците за руско производство проценети на 20 долари за барел, предлогот на Г7 ќе и овозможи на Москва премногу профит.

Литванија и Естонија ја поддржаа Полска во овие тврдења.

Кипар, Грција и Малта, земји со големи поморски индустрии кои ќе загубат најмногу ако се прекине руската нафта, тврдат дека ограничувањето е премногу ниско и сакаат компензација за изгубениот бизнис или повеќе време за прилагодување.

„Сега има многу билатерални разговори на многу високо ниво. По напредокот, ќе се одржи состанок на претставници на сите земји од ЕУ. Нема смисла да се свика уште еден состанок доколку нема промени“, изјави еден дипломат од ЕУ, пренесе Ројтерс.

Би можело да ве интересира

Песков: Американските ракети со долг дострел дополнително ќе го ескалираат конфликтот

А1он

Руски функционер: Бахмут е оперативно опколен

А1он

Украина: Наместо тенкови ни требаат дронови

А1он

Руски новинар осуден на осум години затвор за ширење „лажни вести“ за руската армија

А1он

На Украина треба да и се дозволи да влезе во НАТО веднаш штом ќе заврши војната вели новиот чешки претседател

А1он

Бајден: Ќе разговарам со Зеленски за украинските барања за испорака на софистицирано оружје