Неколку деца се во критична состојба по пукањето во Казан

Од:

Детската републичка клиничка болница во Татарстан прими 18 деца по пукањето во училиште во Казан, а шест од нив се во критична здравствена состојба, соопшти прес-службата на регионалното Министерство за здравство, пренесува TACC.

„Вкупно се примени 18 деца. Шест од нив се во исклучително сериозна состојба – операциите се во тек. Останатите имаат рани, скршеници и модринки и во моментов се на испитување и лекување”, се вели во соопштението.

Според официјалните податоци во денешниот напад во училиште во рускиот град Казан убиени се осум лица, од кои седум се деца. Напаѓачот е 19-годишен тинејџер, претходно ученик во тоа училиште. Полицијата соопшти дека напаѓачот е приведен, а оружјето го поседувал со дозвола.

Генералниот директорат на Министерството за вонредни ситуации (ЕМЕРКОМ) на Русија во Татарстан отвори телефонска линија за психолошка помош.

Би можело да ве интересира

Русите спречиле терористички напад: ФСБ уапси три лица

(ВИДЕО) Нова драма во Русија: Евакуиран трговски центар по дојава за експлозивна направа

Катерина Ѓуровски

Објавена снимка од дрон од ужасот и пустошот во Москва

А1он

140 повредени во терористичкиот напад, полесно повредените добиваат амбулантска нега

А1он

Пендаровски го осуди нападот во московската концертна сала Крокус

А1он

Киев одговори на Русија: Тврдењата за наша вмешаност не заслужуваат ни критика

А1он