Украинската армија соопшти дека работи на евакуација на сите преостанати војници од фабриката за челик.
„Врховната воена команда им нареди на командантите на единиците стационирани на Азовстал да се спасат животите на луѓето“, се додава во соопштението.
Се претпоставува дека околу 600 војници биле во фабриката за челик, но не е јасно колку точно останале.
„Се надеваме дека ќе успееме да ги спасиме животите на нашите момци“, рече украинскиот претседател Володимир Зеленски во синоќешното обраќање.