Навални новогодишната ноќ ја поминал во дисциплинска ќелија

Од:

Рускиот опозициски лидер Алексеј Навални, кој е во затвор во Русија речиси две години, изјави дека новогодишната ноќ ја поминал во дисциплинска ќелија, што е уште еден пример за заострување на неговите услови за притвор.

Во порака испратена до неговите адвокати и објавена денеска на социјалните мрежи, Навални рече дека управата на затворот, на околу 200 километри од Москва, одлучила на 31 декември да го осуди на 15 дена во дисциплинска ќелија поради кршење на прописи.

Рускиот опозиционер рече дека му замериле што едно утро станал во 5 часот и 24 минути и ја завршил утринската тоалета, односно 36 минути пред време, бидејќи се станува во 6 часот.

– И така ми ги уништија плановите да поминам супер дочек на Новата Година со чипс и конзерва риба што ги оставив на страна, изјави Навални.

Тој додаде дека цела новогодишна ноќ ја поминал во ќелија со двајца затвореници, од кои едниот постојано врескал од психоза.

– Сè на сè, задоволен сум. Луѓето плаќаат за да поминат оригинална Нова година, за мене тоа беше бесплатно, рече Навални.

Навални, кој е голем критичар на Владимир Путин, беше уапсен во Русија во јануари 2021 година, откако се врати во земјата по тешкото труење, кое му го припишува на Кремљ.

Извор: МИА

Би можело да ве интересира

Русите спречиле терористички напад: ФСБ уапси три лица

(ВИДЕО) Нова драма во Русија: Евакуиран трговски центар по дојава за експлозивна направа

Катерина Ѓуровски

Објавена снимка од дрон од ужасот и пустошот во Москва

А1он

140 повредени во терористичкиот напад, полесно повредените добиваат амбулантска нега

А1он

Пендаровски го осуди нападот во московската концертна сала Крокус

А1он

Киев одговори на Русија: Тврдењата за наша вмешаност не заслужуваат ни критика

А1он