Научници најверојатно ја решија мистеријата за згрутчувањето на крвта по вакцинирањето со „Астра зенека“ и „Џонсон и Џонсон“

Од:

Германски научници објавија дека најверојатно ја пронашле причината за ретки, но сериозни згрутчувања на крвта по вакцинирањето со „Астра зенека“ и „Џонсон и Џонсон“.

Научниците, во студијата што сè уште не е разгледана од други експерти, велат дека вакцините кои користат аденовирусни вектори испраќаат т.н. шилести протеини до клеточното јадро, каде што некои од упатствата за создавање протеини на коронавирус може погрешно да се протолкуваат. Добиените протеини можат да предизвикаат згрутчување на крвта кај мал број пациенти, сугерираат германските научници.

Научниците од Универзитетот Гете во Франкфурт и на други места објасниле во својот труд дека вакцините со употреба на различна технологија, позната како гласничка РНК (mRNA), како онаа развиена од „Бионтек“ со партнерот „Фајзер“, како и „Модерна“, доставуваат генетски материјал на шилестиот протеин само во клеточната течност, а не во клеточното јадро.

„Сите вакцини базирани на mRNA треба да бидат безбедни производи“, се вели во студијата.

Научниците и американските и европските медицински регулатори се обидуваат да откријат што предизвикува ретки, но потенцијално смртоносни згрутчувања на крвта придружени со ниски тромбоцити, поради што некои држави ја запреа или ја ограничија употребата на вакцините на „Астразенека“ и „Џонсон и Џонсон“.

„Ние го поддржуваме тековното истражување и проучување на оваа ретка појава додека соработуваме со медицински професионалци и глобални здравствени власти. Со нетрпение очекуваме да ги разгледаме и споделиме податоците веднаш штом ќе бидат достапни”, соопштија од „Џонсон и Џонсон“.

„Астра Зенека“ одби да го коментира германското истражување.

Би можело да ве интересира

ЕУ одобри третман со лекот Сафнело на Астра Зенека за лица со лупус

Ана Ололовска

Џонсон и Џонсон го паузира производството на својата вакцина против Ковид-19

А1он

„Џонсон и Џонсон“ оваа година очекува до 3,5 милијарди долари заработка од продажба на вакцини

А1он

ЦДЦ ги препорачува вакцините на Модерна и Фајзер наместо Џонсон и Џонсон

Ана Ололовска

ЕМА: Вакцината на „Џонсон и Џонсон“ може да се прими како засилувачка два месеца по првата

Ана Ололовска

ФДА одобри засилувачки дози од вакцините на Модерна и Џонсон и Џонсон

Ана Ололовска