НАТО состанок со Финска и Шведска, реакција на Русија

Од:

Министрите за надворешни работи на земјите членки на НАТО овој викенд ќе се состанат во Берлин за да разговараат за долгорочна стратегија за Русија и можниот влез на Финска и Шведска.

dobivaj vesti na viber

Геополитичкото влијание на НАТО нагло се зголеми по руската инвазија на Украина и наскоро би можело да добие нови членки.

Владејачката Социјалдемократска партија во Финска денеска ќе го објави својот став за евентуалното пристапување во НАТО. Финскиот државен врв во четвртокот објави дека Финска мора да поднесе барање за членство во НАТО „без одлагање“.

Шведските владејачки социјалдемократи во недела треба да одлучат дали ќе се откажат од децениското противење на членството во НАТО, што речиси сигурно ќе доведе до тоа Шведска да побара членство во Алијансата.

Шефовите на шведската и финската дипломатија Ен Лиде и Пека Хаависто треба да присуствуваат на состанокот на НАТО.

Данска, Норвешка и Исланд се членки на НАТО од неговото основање.

Москва вели дека проширувањето на НАТО со Финска и Шведска ќе биде непријателски гест и ќе претставува дополнителна закана за нејзината безбедност, поради што најави дека ќе одговори на тој потег.

Кандидатурата на Финска и Шведска треба да биде одобрена од сите 30 земји.

Турскиот претседател Реџеп Таип Ердоган во петокот рече дека членството на Финска и Шведска во НАТО ќе биде „грешка“.

Се огласи и Русија која предупреди дека нејзиниот одговро ќе зависи од инфраструктурата што Алијансата ќе ја постави во двете земји. Сепак висок руски преставник изјави дека Русија нема неприајтелски намери кон Финска и кон Шведска.

Дводневниот состанок, чиј домаќин е германската министерка за надворешни работи Аналена Бербок, а на кој ќе присуствува и американскиот државен секретар Ентони Блинкен, ќе го означи почетокот на последната фаза од преговорите за Стратешкиот концепт на НАТО, документ кој ги поставува насоките за иднината.

Концептот треба да овозможи долгорочен одговор на растечките тензии со Русија, вклучително и појаснување за тоа како да се врати влијанието на НАТО во Источна Европа во иднина и, за првпат, насоки за Кина.

Конечната верзија на документот треба да биде усвоена од лидерите на НАТО на самитот во Мадрид во јуни.

Би можело да ве интересира

Нов извештај на британското разузнавање: Лукашенко распоредува специјални сили

Ана Ололовска

Рјабков: Влезот на Шведска и на Финска во НАТО уште една грешка со далекусежни последици

Ана Ололовска

Премиерката на Шведска ќе побара широка поддршка од Парламентот за влез во НАТО

Ана Ололовска

Украинци намерно го поплавија своето село за да ги спречат Русите: „Вредеше“

Ана Ололовска

Лиметс: Влезот на Шведска и Финска во НАТО ќе ја зголеми сигурноста на Балтикот

Ана Ололовска

ВО ЖИВО: Огромна вежба на НАТО, Украина се подготвува за руски напад во Донбас

Ана Ололовска