НАТО и порача на Русија дека не може да победи во нуклеарна војна

Од:

Москва мора да знае дека нуклеарна војна не може да се добие и никогаш не треба да се води, изјави генералниот секретар на НАТО Јенс Столтенберг.

dobivaj vesti na viber

Дмитриј Медведев, заменик-претседателот на Советот за безбедност на Русија, во вторникот издаде ново нуклеарно предупредување до Украина и Западот, откако Русија почна да ги објавува резултатите од референдумите одржани како дел од подготовките за анексија на четири украински региони.

Нуклеарното предупредување издадено од Медведев, сојузник на рускиот претседател Владимир Путин, е едно од неколкуте издадени од Путин и неговите соработници во последните недели.

Сепак, предупредувањето на Медведев се разликува од претходните по тоа што тој за прв пат предвиде дека НАТО нема да ризикува нуклеарна војна и директно да се вклучи во конфликтот во Украина, дури и ако Москва ја нападне Украина со нуклеарно оружје.

„Верувам дека НАТО нема директно да интервенира во конфликтот, дури и во ова сценарио. Демагозите преку океанот и во Европа нема да загинат во нуклеарна катастрофа“, напиша тој во објавата на Телеграм.

Аналитичарите велат дека предупредувањата имаат за цел да ги одвратат Украина и Западот со сигнализирање на подготвеност за употреба на тактичко нуклеарно оружје за одбрана на припоените територии, додека руските сили со недели се соочуваат со силни украински контранапади.

Би можело да ве интересира

Макрон: Ако сакаме одржлив мир, Украинците мора да го изберат моментот кога ќе преговараат

Ана Ололовска

Клинтон: Колку помалку руски војници во Украина толку помалку силувани и убиени жени

Ана Ололовска

Германија: Сè уште важи нашата понуда за распоредување на системот Патриот за Полска

Ана Ололовска

Украина и Русија разменија 50 заробеници

Ана Ололовска

Макрон: Путин направи голема грешка кога ја започна војната во Украина

Ана Ололовска

Кличко: Киев може да остане без греење до пролет

Ана Ололовска