НАТО го осуди запленувањето на танкери во Ормускиот Проток и рече дека инцидентите претставуваат предизвик за меѓународната слобода на пловидба. Во исто време, НАТО поддржа дипломатски разговор меѓу Лондон и Техеран.
Портпаролот на НАТО објави официјална изјава за ситуацијата во Ормускиот Проток.
“Запленувањето на комерцијални бродови во Ормускиот Проток е е јасен предизвик за меѓународната слобода на пловидба. Го повикуваме Иран веднаш да го ослободи бродот и неговиот екипаж.”, се вели во соопштението.
Во петокот танкерот што пловеше под знамето на Обединетото Кралство во Ормускиот Проток беше заробен од Корпусот на чувари на Исламската револуција во Иран, откако наводно ги прекршил меѓународните правила. Обединетото Кралство го осуди овој потег, нарекувајќи го “неприфатлив”. Нападот се случи во време на британско-ирански тензии, кои ескалираа откако Велика Британија заплени ирански супертанкер во близина на Гибралтар.