НАТО ги осуди референдумите на окупираните украински територии

Од:

Членки на НАТО денеска остро ја осудија намерата за одржување т.н референдуми на територијата на Украина под руска окупација и ја отфрли руската „неодговорна нуклеарна реторика“.

-Најостро го осудуваме планот за одржување на т.н референдум за приклучување кон Руската Федерација на украинските територии делумно контролирани од Русија, се вели во соопштението на Северноатлантскиот совет, телото составено од амбасадори на земјите-членки на НАТО.

Русија најави одржување референдуми во регионите Доњецк, Луганск, Запорожје и Керсон.

Членките на НАТО нагласуваат дека никогаш нема да признаат нелегална и нелегитимна анексија на украинска територија.

-Тоа е украинска територија. Ги повикуваме сите земји да ги отфрлат очигледните руски обиди за освојување територии, се вели во соопштението.

Истовремено во соопштението се отфрла и „неодговорната нуклеарна реторика“.

-Русија сноси целосна одговорност за војната, огромното страдање што нејзината агресија му го носи на украинскиот народ, како и за цената на нејзината војна, вклучително и за рускиот народ кој сега се мобилизира. Русија го има крајот на конфликтот во свои раце и мора веднаш да ја запре оваа војна и да се повлече од Украина, се вели во соопштението на Северноатлантскиот совет.

Би можело да ве интересира

ВИДЕО: Нов руски напад на Харков, убиено 12-годишно момче

Катерина Ѓуровски

Путин: Обвинувањата дека Русија ќе ја нападне Европа по Украина се целосна глупост

Четири години од членството во НАТО – Земјава не е само фактор на стабилизација на регионот, туку и поттик за државите во соседството

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни

Терористите на ИСИЛ влегуваат во Европа преправајќи се дека се Украинци