Наследникот и шефот на Самсунг осуден на 2,5 години затвор

Од:

Наследникот на бизнис царството Самсунг, Ли Џае-јонг е осуден на затворска казна од 2,5 години поради корупција, јавија денеска локалните медиуми. Со таа пресуда, технолошкиот гигант останува без личност која носи големи деловни одлуки.

Високиот суд во Сеул го осуди Ли, формално потпретседател на Самсунг електроникс, најголемиот производител на паметни телефони и компјутерски чипови во светот, на 2,5 години затвор, јави Јонхап.

Ли ја водеше компанијата неколку години откако неговиот татко доживеа срцев удар, а потоа почина во октомври минатата година. Во позадината на случајот е корупцискиот скандал на поранешната јужнокорејска претседателка Парк Геун Хје, а Ли беше прогласен за виновен за проневера и мито.

Ли „активно давал мито и индиректно го замолил претседателот да ги искористи своите овластувања за да обезбеди непречен трансфер на власта на чело на деловниот конгломерат“, напиша судот во пресудата.

– Многу е жално што Самсунг, најголемата компанија во земјата која се гордее со иновации, постојано е вклучена во криминал секогаш кога има трансфер на политичка моќ, додаде судот.

Би можело да ве интересира

Северна и Јужна Кореја „разменија“ гранати: Војската на Ким Џонг Ун подготвена и за најмала провокација

А1он

ВИДЕО: Лидерот на опозицијата во Јужна Кореја избоден со нож во вратот

Јужна Кореја и се закани на Кина: Не може да се толерираат промени во Јужното Кинеско Море

Катерина Ѓуровски

Северна Кореја рано утринава истрела неколку крстаречки ракети кон Жолтото Море

ВИДЕО: 37.000 извидници евакуирани од камп во Јужна Кореја пред налетот на тајфунот Канун

Катерина Ѓуровски

Поплави и свлечишта во Јужна Кореја, стотици луѓе евакуирани

Горан Наумовски