Напнато затишје од утрината на границата меѓу Израел и појасот Газа. Прекинот на огнот, за кој вчеравечер посредуваше Египет, го почитуваат и израелската војска и палестинските екстремисти.
Не се знаат условите, ни рокот на примирјето воспоставено по два дена насилство.
Палестинските ексремисти испалија повеќе од 70 ракети само во средата, а израелските воздухопловни сили на повеќе пати нападнаа цели во појасот Газа.
Насилството изби во моментот кога шефот на дипломатијата на ЕУ, Кетрин Ештон беше во регионот. Планирано е таа да се сретне со претседателот на Израел, Шимон Перес и со премиерот Бенјамин Нетанијаху.
Денеска таа има средби со палестинскиот претседател Махмуд Абас и премиерот Фајад.