Нападнат е Лавов, има и загинати

Од:

Руски беспилотни летала денеска погодија три индустриски магацини во западниот украински град Лавов, предизвикувајќи голем пожар и убивајќи најмалку едно лице, соопштија локалните власти.

Гувернерот на Лавовската област Максим Козицки изјави дека пожарникарите го гаснат пожарот. Службите за итни случаи соопштија дека пожарот се проширил на површина од 9.450 метри квадратни по нападот.

„Сакам да нагласам дека тоа се обични индустриски магацини. Таму не се складирало ништо воено“, рече Козицки на комуникациската платформа „Телеграм“.

Тој додаде дека руските сили користеле 18 беспилотни летала во нападот, од кои 15 биле соборени, вклучително и седум директно над регионот Лавов.

Украинското воено воздухопловство соопшти дека Русија во текот на ноќта лансирала вкупно 30 беспилотни летала и една балистичка ракета Искандер и дека се соборени 27 дронови. Русија постојано ја напаѓаше инфраструктурата клучна за одбраната на Украина, енергетскиот систем и земјоделството, а многу цивили беа убиени.

Би можело да ве интересира

Најмалку 14 лица се повредени во руските напади врз градови низ Украина

Лавров: Ако сакате преговори, Киев нека го отповика указот на Зеленски

Моравјецки: Полска повеќе не испраќа оружје во Украина

(ВИДЕО) Се спасуваат ранетите од урнатините во Черкаси

Седум ранети во рускиот напад на Киев, меѓу кои и деветгодишно девојче

Горан Наумовски

Спречени украински напади кај Севастопол на Крим