Најмалку 28 луѓе погинаа, а над 60 се повредени во самоубиствениот напад кој вечерва се случи на аеродромот “Ататурк“ во Истанбул.
Двајца бомбаши самоубијци ги активирале прслуците со експлозив на влезот, односно халата на аеродромот, пред да ја поминат сигурносната контрола.
Турските медиуми наведуваат дека таксистите и помагаат на брзата помош и ги превезуваат ранетите до болница, а на социјалните мрежи се појавуваат се повеќе слики од последиците на експлозијата.
Официјални лица на турската влада потврдија дека се работи за две одвоени експлозии на аеродромот, во кои погинале најмалку 28 луѓе, а десетици се повредени. Се наведува дека еден од напаѓачите прво почнал да пука од калашњиков, а потоа откако им било возвратено од полицијата, се разнеле и двајцата со експлозивот кој го носеле на себе.
Според првите проценки на полицијата, зад нападот стојат џихадисти на Исламска држава.