Израелските одбранбени сили (ИДФ) објавија дека либанската милитантна група Хезболах вечерва лансирала повеќе од 30 ракети во северен Израел.
ИДФ соопшти дека првиот бараж од околу 20 ракети бил насочен кон северната Голанска Висорамнина и дека сите погодиле отворени области, додека подоцна 10 ракети биле истрелани на северот на Израел во близина на границата со Либан, од кои некои биле соборени од страна на израелскиот систем за противвоздушна одбрана „Железна купола“, а некои предизвикале пожар. Нема повредени.
Претходно денеска, израелските сили погодија складиште за оружје на Хезболах во јужен Либан во селото Кфар Кила, како и ќелија на Хезболах која го напуштала местото за лансирање ракети користено во нападот утринава врз населбата Мисгав Ам во северен Израел, соопшти ИДФ.