Најмоќниот телескоп во светот ја сними најдлабоката слика од вселената досега

Од:

НАСА синоќа во Белата куќа ја претстави првата фотографија снимена со вселенскиот телескоп „Џејмс Веб“ за кој се смета дека ќе го промени начинот на кој луѓето ја гледаат вселената.

dobivaj vesti na viber

Американскиот претседател Џо Бајден го објави откритието – најдлабокиот поглед на вселената досега фатен со камера.

Фотографијата покажува дел од вселената, масивна група од грозд на галаксии СМАКС 0723. Гравитациското поле на гроздот делува како сочиво со што се открива светлината од галаксиите во позадина, кои во спротивно би биле премногу бледи и далечни да можат да се видат. Всушност, го имаме првиот поглед на длабоко поле на неверојатно стари и далечни галаксии.

Гроздот од галаксии претставен на сликата во Белата куќа се појавил пред 4.6 милијарди години. Вселената е стара 13.7 милијарди години, така што „Веб“ ќе има шанси да гледа и подлабоко.

Презентацијата синоќа беше најава за главниот настан планиран за денеска претпладне, кога ќе се претстават комплетни резултати од првите снимки со вселенскиот телескоп лансиран на далечина од 1,5 милиони километри од Земјата.

-Овие слики му кажуваат на светот дека Америка е способна за големи дела, и му кажува на американскиот народ, посебно на нашите деца, тоа дека нашите можности се безгранични, изјави Бајден.

-Гледаме можности кои никој претходно не ги видел. Можеме да отидеме на места каде никој досега не бил.

На настанот синоќа настапи и Бил Нелсон, администратор на НАСА.

-Ова е најдлабоката слика на нашата вселена направена досега, изјави тој.

Кажа дека сликата претставена овде покрива „делче од небото со големина приближно на зрнце песок на растојание на испружена рака“.

-Тоа е само малечко делче на огромната вселена.

Сликата е снимена со инфрацрвената камера на „Веб“ и составена од повеќе снимки со различни бранови должини на светлината направени во текот на 12.5 часа. На вселенскиот телескоп „Хабл“ му требаа недели да ги направи своите слики со најдлабоки полиња од вселената.

„Веб“ е околу 100 пати поосетлив од неговиот претходник, којшто се наоѓа на 547 км од Земјата.

Вселенскиот телескоп и мисијата се дело на НАСА, а учествуваа и Канадската вселенска агенција (КСА), како Европската вселенска агенција (ЕСА).

Би можело да ве интересира

ЕСА разгледува можност за пренос на енергија од вселената на Земјата

А1он

Ракетата на НАСА полета кон Месечината

Ракетата на НАСА треба утре да полета кон Месечината

Ана Ололовска

Прво полетување на руски астронаут од САД по 20 години

Катерина Павлова-Николовска

ВИДЕО: НАСА заби вселенско летало во астероид

Катерина Павлова-Николовска

НАСА поради бура ќе го одложи лансирањето на ракетата Артемис 1 на Месечината

Ана Ололовска