Земјотрес со интензитет од 5,7 степени по Рихтеровата скала беше регистриран денеска во регион на турско-иранската граница.
Турскиот министер за внатрешни работи Сулејман Сојлу рече дека најмалку седум лица загинале, а пет други се повредени во земјотресот. Меѓу загинатите се и три се деца. Во турските села погодени од земјотресот има урнати куќи.
Техеран соопшти за 25 повредени од кои 10 се хоспитализирани.
Teams are working in Van to rescue those stuck under buildings after the earthquake across the border in Iran – Turkey's Interior Ministry pic.twitter.com/8CjmJFWQ4r
— TRT World Now (@TRTWorldNow) February 23, 2020
Земјотресот се случи во 05.52 часот по локално време на 101 километар источно од градот Ван, во Турција и 32 километри северозападно од иранскиот град Салмас. Земјотресот бил на длабочина од пет километри.
Според изјави на лица од локалното население, земјотресот траел околу 15-25 секунди.
Најмалку седум последователни земјотреси помеѓу 2,3 и 3,7 по Рихтер беа регистрирани во областа.