Најмалку девет лица загинаа, а 23 се ранети денеска во бомбашки напад во центарот на Багдад, соопштија претставници на безбедносните и медицинските власти.
Нападот се случил во момент кога силите за безбедност се обидуваат да се справат со последиците од големата офанзива на екстремистите, предводена од џихадистите од групата Исламска држава во Ирак и Левант (ИДИЛ), кои целосно зазедоа една ирачка провинција и делови од други три.
Засега не е познато кој е одговорен за нападот во Багдад.
Претставник на ирачкото Министерство за внатрешни работи изјави дека денешниот напад во центарот на Багдад е извршен со поставување на бомба покрај патот, додека полковникот на полицијата соопшти дека по првата експлозија следел самоубиствен бомбашки напад.
Портпаролот на ИДИЛ Абу Мохамед ал Адани најави дека неговите борци ќе тргнат кон Багдад и Кербала, град јужно од пресотлнината, кој се смета за едно од најсветите места на шиитите.