Најмалку десет лица загинаа, а 27 се повредени во самоубиствен бомбашки напад на минибус кој превезувал регрути во градот Џалалабад, источен Авганистан, соопшти локалната влада.
Покрај регрути, меѓу жртвите има и цивили, меѓу кои едно дете.
Некои од повредените се во критична состојба.
Ниту една групација не презеде одговорност за нападот.
Во Џалалабад изминатите години милитантите на Исламска држава извршија серија напади врз владините канцеларии, училиштата и хуманитарните организации.