Најмалку десет лица загинаа кога се урна брана на вештачко езеро во кинеската провинција Жеџианг, во Источна Кина, како резултат на поројните дождови, предизвикани од тајфунот Хајкуј.
Водата, која се пробила низ браната на вештачкото езеро, поплавила десетици домови. Дваесет и седум лица беа повредени.
Спасувачите евакуираа дваесетина лица од вкупно 50-60 кои живеат во близина на браната.
Во изминатите денови тајфунот Хајкуј го однесе животот на најмалку шест лица во Жеџианг и во други реони на Источна Кина.
Властите евакуираа околу 2,2 милиони жители поради бурите и поројните дождови, кои разурнаа близу 5.000 згради и нанесоа штета на уште 15.000.