Рускиот гувернер на областа Херсон, Владимир Салдо, денеска соопшти дека 5.000 луѓе се евакуирани од регионот по пукањето на браната Нова Каховка.
„До денес, бројот на евакуирани од поплавените области на градскиот округ Нова Каховка, општинските окрузи Алешкин и Голаја Пристан во регионот Херсон се зголеми на 5.000 луѓе. Меѓу нив има 178 деца и 62 лица со посебни потреби“, напиша Салдо на Телеграм, пренесува ТАСС.