Најмалку 37 лица загинаа за време на протестите во Уганда по апсењето на опозицискиот политичар и популарен музичар Боби Вејн, соопшти денеска полицијата.
Во Кампала, главниот град на африканската земја, каде ситуацијата се уште е многу тензична, уапсени се околу 350 лица.
Опозиционерот Вејн е обвинет дека не ги почитувал мерките воведени поради епидемијата на коронавирусот.
Во претходните години тој повеќе пати бил апсен, а во своето политичко делување постојано повикува на смена на актуелниот претседател Јовери Мусевени, кој е на власт цели 36 години.
Изборите во Уганда се закажани за почетокот на 2021 година.