Најмалку 29 загинати во самоубиствен напад во Сомалија

Од:

Бројот на загинати при самоубиствениот напад на екстремистичката група Ал Шабаб во хотел во главниот град на Сомалија, Могадишу се искачи на 29, а повредени се 80 луѓе.

– Засега знаеме дека загинале 29 лица, поголемиот број цивили, а 80 се повредени, изјави полицискиот мајор Муса Али.

Тој додаде дека во тек е престрелка помеѓу полициските сили и екстремистите на местото на експлозијата, при тоа предупредувајќи дека можно е да расте бројот на жртви.

Одговорноста за синоќешниот напад ја презеде терористичката организација Ал Шабаб.

Тоа е најсилна експлозија во Могадишу во последните неколку години. Парчиња стакло летале и по неколку километри од местото на експлозијата.

Ал Шабаб се бори против сомалиската Влада, која има поддршка од западните сили, а е под заштита на Мисијата на Африканска унија.

Би можело да ве интересира

Кастанер: Не ја забележавме радикализацијата кај полицискиот службеник кој уби четворица колеги

А1он

Во терористички напад во Сомалија убиени најмалку 20 војници

Воената коалиција предводена од Саудиска Арабија тврди: Нападот врз Арамко е извршен со иранско оружје

Татјана Ташкова

Најмалку шест загинати во подметната бомба од Ал Шабаб во Сомалија

Повредени 25 луѓе при експлозија на автомобил-бомба во Сирија

ОН: Во Сомалија два милиона луѓе би можеле да починат од глад

Ана Ололовска