Најмалку 200 борци се убиени во последните два дена во судирите меѓу јеменските владини сили и бунтовниците околу стратешки важната провинција Мариб.
Повеќето од убиените се припадници на бунтовничките сили, кои неодамна ги протераа ривалите од повеќето 14 области на Мариб.
Стотици луѓе се ранети во битките во последните два дена.
Мариб, последното упориште на владините сили во северен Јемен, чиј останат дел е под контрола на бунтовниците Хути, е центар на крвави борби од февруари, интензивирани во претходните недели.
Бунтовниците поддржани од Иран со години се обидуваат да го заземат Мариб, провинција богата со нафта, за да го заземат целиот северен дел од земјата.
Претходните денови тие напредуваа кон Мариб, главниот град на истоимената провинција.
Владините воздухопловни сили се помогнати од меѓународна коалиција, предводена од Саудиска Арабија, која веќе неколку недели на неколку дена соопштува дека убила голем број бунтовници.
Бунтовниците почнаа офанзива во февруари со цел да ја заземат целата провинција Мариб, а неодамна ги интензивираа своите акции.
Во граѓанската војна во Јемен, која почна во 2014 година, кога бунтовниците го зазедоа главниот град Сана и поголемиот дел од северот на земјата, загинаа повеќе од 200.000 луѓе. Војната ја предизвика најголемата хуманитарна криза во светот, со милиони гладни луѓе.